Audit Komitəsinin Tərkibi:
1. Pərvin Şirəli Oğlu Əhədzadə – Sədr
Vəzifədə: 1 noyabr 2016-cı il tarixdən
Pərvin Əhədzadə 2002-ci ildə Azərbaycan Dövlət İqtisad Universitetinin (ADIU) Beynəlxalq İqtisadi Münasibətlər üzrə bakalavr, 2004-cü ildə magistr dərəcəsinə fərqlənmə ilə yiyələnib. 2019-cu ildə Pərvin Əhədzadə Oxford Universitetinin (Said Business School) MBA dərəcəsini əldə etmişdir.
P.Əhədzadə 2003-2004-cü illərdə “Ata Bank” ASC-nin Müştəri xidmətləri departamentində VİP menecer vəzifəsində, 2006-2015-ci illərdə isə Azərbaycan Respublikasının Mərkəzi Bankında müxtəlif vəzifələrdə çalışıb. İlk olaraq 2006-2013-cü illərdə qurumun Bankların fəaliyyətinə nəzarət departamentində iqtisadçı, aparıcı iqtisadçı və qrup rəhbəri vəzifələrində, 2014-2015-ci illərdə isə həmin departamentinin On-site nəzarət şöbəsinin rəhbəri vəzifəsində işləyib.
Noyabr 2016-cı il tarixdən “PAŞA Bank” ASC-nin Audit Komitəsinin sədridir.
Tel: (+994 12) 496 50 00
E-mail: office@pashabank.az
2. Cəmil Vahid Oğlu Məmmədov – Üzv
Vəzifədə: 1 oktyabr 2014-cü il tarixdən.
Cəmil Məmmədov 2008-ci ildə Azərbaycan Dövlət İqtisad Universitetini iqtisadiyyatın dövlət tənzimlənməsi üzrə bakalavr dərəcəsinə yiyələnib. 2010-cu ildə o, Azərbaycan Dövlət İqtisad Universitetində iqtisadiyyatın dövlət tənzimlənməsi üzrə magistr dərəcəsini fərqlənmə ilə bitirib. 2011-ci ildə Birləşmiş Krallığın City London Universitetinin magistraturasını fərqlənmə ilə bitirmiş və beynəlxalq biznes üzrə magistr dərəcəsi almışdır.
2006-2010-cu illərdə o, Bakıda AGBank ASC-nin aparıcı mütəxəssisi vəzifəsində işləyib. 2011-ci ildə Cəmil bəyin vəzifəsi yüksəldilərək, AGBank ASC-nin şöbə müdirinin müavini vəzifəsinə təyin olunub və bu vəzifədə 2013-cü ilə qədər işləyib.
2013-2014-cü illər ərzində Cəmil Məmmədov Azerbaijan Limited KPMG-də audit üzrə assistent işləyib. 2014-cü ildə o, PAŞA Holdinqə audit və monitorinq üzrə böyük mütəxəssis vəzifəsinə təyin edilib. Cəmil Məmmədov 1 oktyabr 2014-cü il tarixindən PAŞA Bankın Audit Komitəsinin üzvüdür.
Tel: (+994 12) 496 50 00
E-mail: office@pashabank.az
3. Ramil Dadaşbala Oğlu Heydərov – Üzv.
Vəzifədə: 1 noyabr 2016-cı il tarixdən
Ramil Heydərov 2007-ci ildə Azərbaycan Dövlət İqtisad Universitetində (ADİU) Maliyyə və Kredit üzrə bakalavr dərəcəsinə yiyələnib. 2009-cu ildə o, ADİU-də eyni sahə üzrə magistr dərəcəsini fərqlənmə ilə bitirib.
2008-2011-ci illər ərzində R.Heydərov Access Bank QSC-nin Əməliyyat Departamentinin mütəxəssisi vəzifəsində işləyib. 2011-ci ildən R.Heydərov karyerasını “böyük dördlük” audit şirkətlərindən biri olan Ernst & Young şirkətində davam etdirmiş və 2015-ci ilədək həmin şirkətdə çalışmışdır. Ernst & Young-da o audit üzrə mütəxəssis kimi başlamış və audit üzrə baş mütəxəssis vəzifəsinə kimi yüksəlmişdir.
2015-ci ilin may ayından R.Heydərov PAŞA Holdinqin Qrup üzrə Audit Departamentində çalışmaqdadır. R. Heydərov 1 noyabr 2016-cı il tarixdən PAŞA Bankın audit komitəsinin üzvüdür.
Tel: (+994 12) 496 50 00
E-mail: office@pashabank.az
1. Audit Komitəsinin təşkili və rolu:
1.1. Audit Komitəsi Bankda audit işini təşkil edən və Bankın maliyyə-təsərrüfat fəaliyyətinə nəzarəti həyata keçirən idarəetmə orqanıdır.
1.2. Audit Komitəsi birbaşa və Daxili Audit Departamenti vasitəsilə Bankın maliyyə-təsərrüfat fəaliyyətinin tənzimlənməsi üzrə normativ-hüquqi aktlara, daxili prosedurlara, qaydalara və təlimatlara riayət olunmasına nəzarəti həyata keçirir.
1.3. Audit Komitəsi risklərin idarə olunmasının, nəzarət və idarəetmənin səmərəliliyinin qiymətləndirilməsinə və inkişafına sistemli yanaşmaqla Bankın struktur bölmələrinin və işçilərinin, filial və nümayəndəliklərinin qanunvericiliyin tələblərinə riayət etməsinə nəzarət edir.
1.4. Audit Komitəsi Bankda mükəmməl nəzarət sisteminin mövcudluğunun və adekvatlığının təmin edilməsində Müşahidə Şurasına və İdarə Heyətinə köməklik göstərir.
(yenilənmə tarixi 01.06.2020)