Məvacib (Əməkhaqqı) Kartları

PIN şifrəni PAŞA Bank və Kapital Bank ATM-lərində təyin edə bilərsiniz. Bunun üçün ATM-lərə yaxınlaşaraq aşağıdakı addımları yerinə yetirməniz xahiş olunur:

• Kartı ATM-ə daxil edin;
• Açılan menyudan “PIN Set” seçin;
• Açılan ekranda istənilən 4 rəqəmli kodu daxil edin və yaşıl düymə ilə təsdiqləyin;
• Açılan növbəti ekranda daxil edilən kodu təkrarlayın və yenidən yaşıl düymə ilə təsdiqləməklə PIN şifrənin təyin edilməsini bitirin.
PIN kodunuz təyin olunub.

Qeydlər:

1. Təhlükəsizlik tədbirlərini nəzərə alaraq PIN kodunuz sadə olmamalıdır:
- Bir sırada 3 və ya 4 rəqəmin ardıcıl artan və ya azalan sıra ilə daxil edilməsi tövsiyə edilmir, məsələn Х123 və ya 765Х
- 3 və ya 4 eyni rəqəm daxil etmək tövsiyə edilmir, məsələn Х888, 777Х
2. PIN şifrə təyin edildikdən sonra kart avtomatik aktivləşir.

PAŞA Bankın Mobil bank əlavəsi təhlükəsiz və rahat şəkildə bütün kartlarınızı izləmək imkanı yaradır.
Siz istənilən vaxt aşağıdakıları həyata keçirə bilərsiniz:
• Yaxınlarınıza pul köçürmək;
• Hesab üzrə qalığınızı yoxlamaq;
• Kart, cari hesabdan çıxarış və rekvizitləri elektron ünvanınıza göndərmək;
• Müxtəlif ödənişlər etmək;
• Kredit üçün müraciət;
• Digər xidmətlər.

Kartla Azərbaycanda və ya xaricdə əməliyyat apararkən dələduzluq məqsədi ilə fırıldaqçılar görünməz qurğular, müxtəlif saytlar və sair yollarla kart məlumatlarını öyrənərək saxta kart hazırlaya və hesabdan pul vəsaitini silə bilərlər. "3D Secure" xidməti isə kartla dələduzluq riskini minimuma endirir. Xidmətə qoşulmuş kart ilə internetdə ödəniş edərkən mobil telefona SMS vasitəsi ilə birdəfəlik şifrə göndərilir və əməliyyat yalnız həmin şifrə daxil edildikdən sonra həyata keçir, bu isə dələduzluq risklərini minimuma endirir.
"3D Secure" xidmətinə qoşulmaq üçün *9123/(+99412) 496 50 00 nömrəsinə zəng edin.

*9123 / (+99412) 496 50 00 nömrə vasitəsilə Əlaqə Mərkəzinin operatoru ilə əlaqə saxlamadan aşağıda qeyd olunan əməliyyatları həyata keçirə bilərsiniz:
• Balans haqqında məlumatın əldə edilməsi;
• Kartın bloklaşdırılması;
• 3D Secure xidmətinə qoşulması/nömrənin dəyişdirilməsi;
• Hesab üzrə çıxarışların əldə edilməsi.

2-Way SMS vasitəsilə 9123 qısa nömrəsinə “CIF” sözünü göndərib, öz müştəri kodunuzu rahatlıqla əldə edin.

Rahatlığınızı düşünərək və vaxtınıza qənaət edərək, Bankın məhsul və xidmətlərindən yararlanmaq üçün filiala yaxınlaşma tarixini və saatını əvvəlcədən seçmək imkanı yaradılıb. Bu üstünlükdən yararlanmaq üçün sadəcə olaraq Mobil Əlavədən və ya keçiddən istifadə etmək kifayətdir.

PAŞA Bankın kart sahibi olaraq Sizlər üçün xüsusi Endirim Platforması yaradılıb. İl boyu eksklüziv endirimlərdən yararlanın!

Rəsmi gəlirinizin müəyyən həcmini aylıq əsasda sığorta şirkətinə ödəyərək həm həyatınızı sığortalayırsınız, həm də ödədiyiniz bu məbləğə görə faiz gəliri əldə edirsiniz. Həmçinin PAŞA Həyat Sığorta şirkətində yığılan vəsait əsasında PAŞA Bank tərəfindən sərfəli şərtlərlə ayrılan kredit xəttindən də bəhrələnə bilərsiniz.

Banka yaxınlaşmadan aşağıdaki xidmətlərdən yararlana bilərsiniz:

Cari və kart hesablarına mədaxil:
• MilliÖn terminalı vasitəsi ilə cari və kart hesablarına mədaxil, həmçinin kreditin ödənişi mümkündür. Əməliyyatı yerinə yetirmək üçün tələb olunan məlumat şəxsiyyət vəsiqənizin seriya və nömrəsi və Müştəri kodunuzdur (CIF).
Daha sonra ekranda əks olunan hesablar arasında seçim edərək əməliyyatı davam etdirin.
• 3D payment , və Şəxsi kabinet vasitəsi ilə PAŞA Bank kartları, həmçinin Azərbaycanın digər bankları vasitəsi ilə cari və kart hesablarına vəsaitin mədaxili.
• ATM şəbəkəsinin Cash-in xidməti ilə nağd vəsaitin kart hesabına dərhal yatırılması mümkündür.