KartlarBiznesiniz üçün kart həlləri

Ödəniş kartlarının təhlükəsizliyi

Bizim əsas məqsədimiz pullarınızı etibarlı şəkildə qorumaqdır. PAŞA Ödəniş Kartlarınız dələduzluqdan və oğurluqdan qorunmanı təmin edən müasir təhlükəsizlik elementləri ilə təchiz olunub.

Kredit və debit kartlar üçün əsas qoruma vasitələri

Çip və PIN
Bizim əsas məqsədimiz pullarınızı etibarlı şəkildə qorumaqdır. PAŞA Ödəniş Kartlarınız dələduzluqdan və oğurluqdan qorunmanı təmin edən müasir təhlükəsizlik elementləri ilə təchiz olunub.

CVC kodu (Kartın doğrulama kodu)
Kartın arxa tərəfində yerləşən 3 rəqəmli CVC kodu əməliyyat zamanı əlavə qoruma qatını təmin edir. Bu kod vasitəsilə ödənişin sizin tərəfinizdən həyata keçirildiyinə əmin olunur.

Onlayn əməliyyatlar üçün birdəfəlik şifr
Onlayn alış-veriş zamanı “PAŞA Bank” tərəfindən sizə göndərilən birdəfəlik şifr (OTP) əlavə təhlükəsizlik səviyyəsi yaradır və əməliyyatlarınızı qoruyur.

Dələduzluq əməliyyatlarına nəzarət
Şübhəli əməliyyat aşkarlandıqda, təhlükəsizliyinizi təmin etmək üçün dərhal sizinlə əlaqə saxlayırıq və məlumatı mobil nömrənizə SMS vasitəsilə göndəririk.

Riskli ölkələr üzrə əlavə qoruma

Bəzi ölkələrdə çip texnologiyasına tam keçid hələ başa çatmayıb. Müştərilərimizin vəsaitlərini qorumaq üçün yüksək riskli regionlarda kart əməliyyatları avtomatik olaraq məhdudlaşdırılıb.

Riskli ölkələrin siyahısı08.12.2017

Dələduzluqla bağlı əlavə məlumat

Son dövrlərdə ABŞ, Latın Amerikası, Karib hövzəsi və Asiya-Sakit Okean regionlarında saxta kartlarla dələduzluq halları artıb. Bu səbəbdən, “PAŞA Bank” həmin regionlarda aparılan nağd və nağdsız əməliyyatlara müvəqqəti məhdudiyyətlər tətbiq edib.

Əgər səfər planınız varsa və həmin regionlarda kartdan istifadə etməyiniz vacibdirsə, *8123-ə zəng edərək bu məhdudiyyəti aradan qaldıra bilərsiniz.