Bizim sponsorluq fəaliyyətimizə əsasən idman yarışları və mədəni tədbirlər daxildir. Biz diqqətimizi “nəcib idman növü” hesab olunan tennisin inkişafına yönəltmişik. Bu sponsorluq layihəsinin məqsədi gənclərə dəstək olmaq və tennisin ölkəmizin vətəndaşları üçün daha əlverişli idman növü kimi çıxış etməsinə yardım etməkdir. Biz Bakıda keçirilən bir sıra beynəlxalq yarışlara və yeniyetmələrin tədbirlərinə sponsorluq etmişik: 2011-ci və 2012-ci illərdə H.Əliyevin xatirəsinə həsr olunmuş iki yeniyetmə yaş qrupu – 14 və 16 yaşlı yeniyetmələr arasında beynəlxalq turnirlər, “PAŞA Bank Kuboku üzrə Avropa Tennis Turniri” və “Bakı Kuboku” çempionatları PAŞA Bankın maliyyə dəstəyi ilə təşkil olunmuşdur.
Sağlam həyat tərzinin təbliği məqsədilə, biz gənclər arasında “PAŞA Bank Kuboku üzrə Avropa Tennis Turnirini” təşkil etmişik. Buraya 15 ölkədən 115 gənc idmançı qatılmışdır. Rusiya, Ukrayna, Belorus, Gürcüstan, Moldova, Qazaxıstan, Makedoniya, Bolqarıstan, Belçika, Türkiyə, Çex Respublikası, Lüksemburq, Avstriya və Böyük Britaniyadan olan iştirakçılar iki (14 və 16) yaş qrupunda yarışdılar. PAŞA Bank tərəfindən maliyyələşdirilən turnirlər Bakı Tennis Akademiyasının tələbələrinə beynəlxalq turnirlərdə təcrübə qazanmaq imkanını verdi. 2012-ci ildə PAŞA Bank Qadınların Tennis Assosiasiyası (QTA) seriyasından olan tennis turnirinə sponsorluq etdi. Bu turnirlər dünyanın müxtəlif şəhərlərində - Barselona, Kopenhagen, Strasburq, Seul və başqalarında keçirilir. Bu turnirlərdə dünyanın müxtəlif yerlərindən olan idmançı qadınlar iştirak edirlər. PAŞA Bank sonuncu dəfə 2012-ci ildə yerli tennis azarkeşlərinə Bakı Tennis Akademiyasında QTA turnirlərinə giriş imkanı verən QTA turnirinə sponsorluq etmişdir.
Mədəniyyət sivilizasiya ilə sinonimdir; o, millətin dəyərlərinin və inancların inkişaf prosesini əks etdirir. Musiqi heç bir sərhəd tanımayan mədəniyyət nüvəsi, müxtəlif ölkələrdən və müxtəlif yaşlardan olan insanların qəlbinə toxunan və onları titrədən güclü bir vasitədir. Bunun qorunması və yeni nəsillərə ötürülməsində uğur fəallıqdan asılıdır – əgər gənc nəsil bu prosesə cəlb olunarsa, irs daha çox şövqlə mənimsəniləcək və gələcəyə ötürüləcək. Bu səbəbdən də, PAŞA Bank cəmiyyəti, xüsusilə də gənc nəsli bir zamanlar məhdudlaşdırılan, lakin, tarixin toqquşmalarına qalib gəlmiş muğam və caz kimi musiqi janrlarını çatdıran mədəniyyət layihələrini dəstəkləyir.
Korporativ məsuliyyətimizin bir hissəsi kimi, biz Azərbaycanın mədəni irsinin qorunması və onun nəsillərə ötürülməsinə dəstək göstərməyi nəzərdə tuturuq. Bizim sponsorluq layihələrimiz Azərbaycan mədəniyyətini, konkret olaraq, xalq musiqisinin özəyi olan muğamı təbliğ edir. Muğamın qorunması zərurəti qloballaşma və müasirləşmə nəticəsində meydana gələn mədəni müxtəlifliyin itməsinin qarşısını alır.