Hesablaşma-kassa xidmətləri

Cari hesaba pul vəsaiti nağd və nağdsız formada mədaxil edilə bilər. Hesaba mədaxil həm hesab sahibi tərəfindən, həm də onun səlahiyyətli şəxsi tərəfindən Sizin hesaba bank köçürmələri vasitəsilə həyata keçirilir.

Müştərinin tapşırığı əsasında cari hesabından Azərbaycanda və xaricdə olan hesablar yerli və xarici valyutalarla ödənişlər həyata keçirilir. PAŞA Bankın S.W.I.F.T., AZİPS və XÖHKS ödəniş sistemlərinin üzvü və bir sıra nüfuzlu xarici banklarla müxbir əlaqələrinə malik olması ölkə daxili və xarici bank köçürmələrinin operativliyini təmin edir.

Müştərilərin PAŞA Banka təqdim etdiyi daimi ödəniş tapşırığı əsasında mütəmadi təkrarlanan ödənişlər nəzərdə tutulan vaxtlarda həyata keçirilir, beləliklə hər dəfə ödəniş tapşırığının hazırlanmasına və banka təqdim edilməsinə ehtiyac yaranmır, müştərinin vaxtına qənaət edilir.

Daimi ödəniş tapşırığı sifarişini yerinə yetirmək üçün Bankın Biznes Mərkəzlərində Müştəri Xidmətinin əməkdaşlarına müraciət edə bilərsiniz.

Müştəri istəyinə əsasən cari hesabında olan pul vəsaitini nağd şəkildə yerli və xarici valyutalarda hesabından çıxara bilər.

Hesablaşma-kassa xidmətləri çərçivəsində müştəri pul vəsaitinin həm nağd, həm də nağdsız formada valyuta mübadiləsini (yerli və xarici valyutalar arası konvertasiyasını) həyata keçirə bilər.

Hesablaşma-kassa xidmətləri çərçivəsində hesablar üzrə vəsaitlərin qalığı və hərəkəti barədə müştərinin istəyinə əsasən çıxarış, məktub və digər təsdiqedici sənədlər təqdim edilir.