PAŞA Bank “İnternet bank” xidmətini həyata keçirir

Maliyyə və müvəqqəti xərclərin optimallaşdırılmasında müştərilərinə kompleks yanaşma təklif edən PAŞA bank, bank xidmətinin müvafiq əməliyyatların yerinə yetirilməsini asanlaşdıran və sürətləndirən daha səmərəli forma və standartlarını həyata keçirir. Bu cür xidmətlərdən biri internet şəbəkəsi vasitəsilə maliyyə əməliyyatlarını maksimal sürət və etibarlılıqla aparmaq imkanı verən müasir, rahat və praktik bank xidmətləri kompleksi təmin edən "İnternet bank" xidmətidir.
Bu xidmətin köməyi ilə Müştəri istənilən məsafədən hesablarının idarə edilməsinə, ödənişlərinin yerinə yetirilməsinə və əvvəllər sadəcə Bankın ofisində həyata keçirilə bilən bir sıra digər əməliyyatlara çıxış əldə edir. Müştərinin daxil etdiyi məlumatlar, o cümlədən elektron əməliyyatlar "İnternet bank" xidmətindən istifadə zamanı Müştəriyə tam təhlükəsizlik təmin edən müasir sertifikatlaşdırılmış proqram təminatları ilə qorunur.