Vəzifədə: 06 mart 2025-ci il tarixdən.

Şirin Əliyeva 2000-ci ildə Bakı Dövlət Universitetinin Hüquq fakultəsini bitirmişdir. O, eyni zamanda Harvard Business School (ABŞ), London Business School (Böyük Britaniya) və IE Business School (İspaniya) kimi məşhur biznes məktəblərindən bir neçə liderlik proqramını tamamlamışdır.

Əliyeva öz əmək fəaliyyətinə 2005-ci ildə “Nobel Oil” şirkətində hüquqşünas kimi başlayıb. 2007-2011-ci illər ərzində o, “Azerbaijan International Mineral Resources Operating Company”də hüquq və müqavilələr üzrə menecer vəzifəsində çalışıb.

O, 2011-2012-ci illərdə isə “PAŞA Bank” ASC-də hüquq departamentinə rəhbərlik edib. 2012-2015-ci illərdə Bankın hüquq və təşkilati məsələlər departamentinin direktoru kimi fəaliyyət göstərib. Əliyeva 2015-ci ildən 2018-ci ilə qədər baş hüquqşünas və İdarə Heyətinin üzvü olaraq Bankda strateji qərarların qəbul edilməsində əhəmiyyətli rol oynayıb.

Şirin xanım, 2018-2021-ci əhatə edən dövrdə “PASHA Investments” MMC-də baş hüquq müşaviri olaraq fəaliyyət göstərib. Bu müddət ərzində o, şirkətin hüquqi fəaliyyətlərinin strateji idarə edilməsində mühüm rol oynayıb və investisiya qərarları ilə bağlı hüquqi məsləhətlər verib. Bundan əlavə, Əliyeva Sumqayıt Texnologiyalar Parkında Müşahidə Şurasının üzvü olub və 2019-cu ilin noyabrından 2021-ci ilin iyununa qədər bu vəzifədə fəaliyyət göstərib. Bu müddət ərzində, o, Azərbaycanın aparıcı sənaye mərkəzlərindən birinin idarə olunmasında mühüm rol oynayıb.

Şirin xanım, “Azercell Telekom” MMC-də hüquq, etika və komplayns üzrə direktor və sonradan baş direktor vəzifəsində 2021-ci ilin iyulundan 2024-cü ilin sentyabrına qədər çalışıb. Bu vəzifədə o, şirkətin hüquqi məsələlərini, etik və komplayns proqramlarını idarə edərək, həm yerli, həm də beynəlxalq qanunvericiliklə uyğunluğu təmin edib.

20 ildən çox təcrübəyə malik, hüquq, korporativ idarəetmə, etika və komplayns sahələrində ixtisaslaşmış hüquqşünas və aparıcı mütəxəssis olan Şirin Əliyeva hazırda “Azercell Telekom” MMC-də hüquq və data strategiyası üzrə baş direktor vəzifəsində çalışır. Bu rolda Əliyeva, şirkətin hüquqi, etika və komplayns, data analitikası və süni intellekt funksiyalarını idarə etməklə, ən yüksək hüquqi və tənzimləmə standartlarına uyğunluğunu təmin edir, həmçinin qabaqcıl analitika və süni intellekt imkanlarının inkişafına rəhbərlik edir.

Tel: (+994 12) 496 50 00
E-mail: office@pashabank.az

Müşahidə şurası

Şahin Məmmədov

Şirin Əliyeva

Asəf Hüseynov

Nailə Səfərəli