23 мая 2025
Ölkənin aparıcı korporativ maliyyə institutu “PAŞA Bank” Korporativ Sosial Məsuliyyət (KSM) strategiyası çərçivəsində növbəti dəfə ənənəvi könüllü qanvermə aksiyasını həyata keçirib.
“Talassemiyasız həyat naminə” devizi ilə baş tutan aksiya 22 may 2025-ci il tarixində Səhiyyə Nazirliyi Milli Hematologiya və Transfuziologiya Mərkəzinin Mərkəzi Qan Bankı ilə əməkdaşlıq çərçivəsində təşkil olunub.
Aksiyanın əsas məqsədi cəmiyyətin diqqətini irsi qan xəstəliklərinə, xüsusilə də talassemiyaya yönəltmək, bu xəstəliklərlə mübarizə aparan insanlara dəstək göstərmək və ölkədə könüllü donor mədəniyyətini təşviq etmək olub. Qanvermə tədbiri "PAŞA Bank" ofisində keçirilib və bankın rəhbər heyəti ilə yanaşı, bir çox əməkdaş aksiyada könüllü donor kimi iştirak edərək sosial məsuliyyət nümunəsi göstəriblər.
“PAŞA Bank” gələcəkdə də bu kimi təşəbbüsləri davam etdirərək, sağlam və dayanıqlı cəmiyyətin qurulmasına töhfə vermək əzmindədir.
