Ölkənin aparıcı korporativ bankı PAŞA Bank pandemiyanın kiçik və orta biznes sahiblərinə yaratdığı çətinlikləri nəzərə alaraq, onlara dəstək məqsədi ilə onlayn biznes krediti çeşidlərini genişləndirir və faizləri yenidən endirir.
Artıq hüquqi şəxslər və fərdi sahibkarlar biznes üzrə xərclərini qarşılamaq üçün 250 000 AZN-dək biznes kreditlərini annuitet və ya xətt formasında girovsuz, Banka gəlmədən və tamamilə onlayn əldə edə biləcəklər.
Hüquqi şəxs və fərdi sahibkarlar 8-28 fevral 2021-ci il tarixləri aralığında PAŞA Bankdan Onlayn biznes kreditini illik 16.5% ilə əldə edə bilərlər. Qeyd olunan müddət ərzində biznes sahibləri yeni Onlayn kredit xəttini də məbləğindən asılı olmayaraq illik 17% olmaqla 12 ay müddətinə rəsmiləşdirə bilərlər.
Kredit xəttinin əsas üstünlüyü istifadə olunan məbləği geri ödədikdən sonra bu məbləğdən təkrar istifadə etmək imkanıdır. Hər dəfə vəsait lazım olduqda yenidən müraciət etməyə ehtiyac yoxdur.
Kredit xətti cari biznes xərclərini, məsələn: işçilərin əməkhaqlarını vermək, biznesində yeni istiqamətlər yaradıb genişlətmək və ya əlavə biznes qurmaq istəyən sahibkarlar üçün faydalı olacaq.
Beləliklə cari biznesdə bir ildən çox fəaliyyət, bank xidmətlərindən mütəmadi istifadə və müsbət kredit tarixçəsi olduğu təqdirdə “Onlayn biznes krediti” məhsulu üzrə tamamilə onlayn şəkildə müraciət edib, cəmi 2 iş gününə lazım olan məbləği əldə etmək mümkündür.
PAŞA Bankda hesabı olmayan şirkətlər həmçinin onlayn kredit xətti üçün müraciət edə bilərlər. Bunun üçün xidmət aldıqları bankdan hesabdan çıxarış təqdim etmələri kifayətdir. Kredit müraciəti təsdiqlənərsə, müştəri PAŞA Bankda cari hesab açacaq, kredit vəsaiti mövcud limit şəklində həmin hesabda saxlanılacaq və müştəri vəsaiti öz cari hesabına köçürərək ödənişlər edə biləcəkdir.
Ətraflı məlumat üçün keçid: Online business credit | PASHA Bank