14/12/2020

Socar_E.png (369 KB)
Azərbaycanın aparıcı korporativ bankı, PAŞA Bankın vasitəçiliyi ilə Visa, “SOCAR PETROLEUM” QSC və E-PUL ödəmə xidməti, SOCAR yanacaqdoldurma məntəqələri şəbəkəsində QR kod texnologiyasına əsaslanan ödəmə həllini təqdim edir. Artıq istehlakçılar Azərbaycanın bütün ərazisindəki SOCAR şəbəkəsinin yanacaqdoldurma məntəqələrində E-PUL mobil tətbiqindən istifadə edərək yanacaq üçün asanlıqla nağdsız ödəniş edə biləcəklər.

Bu xidmət,
ödənişlərin qəbulu üçün POS terminal istifadəsini smartfonla əvəzləməyə, eyni zamanda pandemiya zamanı fiziki əlaqələrin sayını minimuma endirməyə imkan verir.

Visa ilə PaySis arasındakı sıx strateji əməkdaşlıq çərçivəsində yenilikçi QR ödənişlərinin həyata keçirilməsi gerçəkləşdirilir və Azərbaycanda ekvayrinq xidmətlərinin əhəmiyyətli bir hissəsini əhatə edir. PAŞA Bankın bu sahədəki dərin təcrübəsi və innovativ texnologiyaların tətbiqindəki öncəliyi prosesi asanlaşdıraraq daha çox biznesləri rahat, təhlükəsiz və qənaətli xidmətdən istifadə etməyə cəlb edir. İstifadəçilər üçün bu texnologiyanın üstünlüyü ödəmə metodunda seçim və prosesinin asanlığındadır.

QR kod ilə ödəmə texnologiyası o qədər çox yönlü və istifadəsi asandır ki, müştəri bazasını genişləndirmək istəyən iri müəssisələr və xərcləri azaltmaq üçün yol axtaran kiçik və orta seqmentlər üçün eyni dərəcədə faydalı olacaqdır. QR kod ilə ödəmə yanacaqdoldurma məntəqəsi müştəriləri üçün prosesi maksimal asanlaşdıraraq üzərində nəinki nağd vəsait, eləcə də ödəmə kartı gəzdirməyə ehtiyac yaratmadan sürətli və rahat ödəməni təmin edir” deyə Vizanın Qafqaz region üzrə meneceri Kristina Doroş bildirib.

“Neft sektorunun bu layihəni bu qədər ciddi və operativ şəkildə qəbul etməklə istehlakçılara yenilikçi QR kod ilə ödəmə xidmətini təqdim etməsi, bununla da nağd pula daha az asılılığı olan rəqəmsal iqtisadiyyata keçiddə vasitəçilik etməsində məmnunuq” - PaySis şirkətinin E-PUL ödəmə xidmətinin baş direktoru Samir Nəsibov.

“Nağdsız ödənişlər və fiziki təmasları məhdudlaşdırmaq, bu günkü pərakəndə bazarda əsas tendensiyalarının özəlliklərini əks etdirən innovativ QR-ödəmələr xidmətinin vacib xüsusiyyətləridir. SOCAR YDM şəbəkəsində Visa QR ödənişlərinin və E-PUL mobil tətbiqetmənin istehlakçılara təqdimi müştərilərimiz üçün yeni rahat və təhlükəsiz ödəmə şərtləri yaradaraq məmnuniyyətlərinin artmasına töhfə verəcək ki bu da SOCAR üçün prioritetdir" deyə SOCAR PETROLEUM QSC-nin İnnovasiyalar üzrə baş direktor müavini Elnur Mustafayev bildirib.

“Yerli bazarda müasir texnoloji həlləri tətbiq edən ölkənin aparıcı maliyyə qurumlarından biri olan PAŞA Bank, Azərbaycanda QR ödənişlərinin əhatə dairəsini genişləndirmək üçün layihənin həyata keçirilməsinə məmnuniyyətlə dəstək verir. Bu texnologiyadan istifadə edərək yanacaqdoldurma məntəqələrində təqdim olunan ödəmə aləti yeni iş imkanları açmaqla yanaşı, nağdsız ödənişləri qəbul etmək üçün avadanlıq əldə etmə və avadanlıq xərclərini də optimallaşdırmağa imkan verir, həm də adi prosesi son istifadəçi üçün daha da asanlaşdırır və daha rahat edir. Əminəm ki, QR kod ilə ödəmə texnologiyasının tətbiqi miqyasının genişləndirilməsi bundan sonra da Azərbaycanda nağdsız ödənişlərin inkişafı üzrə dövlət proqramının həyata keçirilməsinə mühüm töhfə verəcəkdir” deyə PAŞA Bankın İdarə Heyətinin üzvü və Baş əməliyyat inzibatçısı Cəlal Orucov bildirdi.

Xidmətdən istifadə etmək üçün istehlakçılar aşağıdakıları etməlidirlər:

- Android və ya IOS üçün E-PUL mobil tətbiqini yükləməli
- Visa kartı qeydiyyatdan keçirilməli və mobil tətbiqetmə ilə əlaqələndirməli;
- Kassa operatoru yanacaq doldurduqdan sonra yanacaq nasosuna quraşdırılmış QR kodu skan etməli;
- Tətbiqdə yanacaq üçün ödənməli olunan məbləği bir toxunuşla təsdiqləməlidirlər. 

Sözü gedən layihə çərçivəsində E-PUL Visa ilə birlikdə 14 dekabr 2020-ci il tarixindən yeni təşviqat kampaniyasına start verir. SOCAR yanacaqdoldurma məntəqələrində QR vasitəsilə Visa kartlarından ödəniş edən E-PUL istifadəçiləri ilk etdikləri 10 AZN və daha artıq ödənişlərdə 5 AZN dəyərində endirim qazanacaqlar.

Bundan başqa QR kodla ödəniş edərək SOCAR tərəfindən 3 ay keçiriləcək lotereyada iştirak etmə hüququ qazanan 5 E-PUL istifadəçisi hər ay 100 AZN dəyərində kupon əldə etmə şansı qazanacaqlar.