İnnovativ həll yollarını Agile komandamızla birgə ərsəyə gətirin
Agile nədir?
Agile yüksək texnologiyalar və rəqəmsallığın hökm sürdüyü müasir dövrün tələb etdiyi yeni idarəetmə və iş üslubudur. Ancaq Agile qaydalarla işləyən, açıq fikirli və bilik və innovasiyalara əsaslanan şirkətlər bu dövrün yüksək rəqabətliliyinə tab gətirib, inkişaf edə bilirlər. PAŞA Bank 2018-2020-ci illəri əhatə edən İnkişaf Strategiyası çərçivəsində təkmilləşmiş rəqəmsal kanallar, rəqəmsal satış kanalları və daxili potensialın inkişafına start vermişdir. Yeni strateji dövrün sonunadək, hədəfimiz bank əməliyyatlarının 90%-ni Təkmilləşmiş Rəqəmsal Kanallar (ADC) vasitəsi ilə həyata keçirməkdir. Qarşıda duran bu mühüm vəzifəni yerinə yetirmək üçün PAŞA Bank tez bir zamanda Agile üsuluna keçid prosesinin təməlini qoymuşdur.
Niyə məhz Agile?
- Agile komandalar müstəqil şəkildə işləməklə əsil komanda ruhunu yaşayaraq duyurlar
- Texnologiya və Agile alətlərin köməyi ilə işçilər vaxta daha effektiv nəzarət edə bilir və beləliklə, iş və şəxsi həyat balansını qoruyurlar
- Agile yanaşma işgüzar, səmərəli və enerji dolu iş mühitinin təminatçısıdır
- Şirkət daxilində səlahiyyətlərin bərabər bölüşdürülməsi, ağıllı iş yerinin təşkili (smart) və innovativ idarəetmə üsulları işçilərin həm əhval-ruhiyyəsini həm də məhsuldarlığını artırır
- Agile daim təkrarlanan və tədricən artırılan iş və layihələrin idarəetmə vasitəsidir;
- Ən üst səviyyə keyfiyyətə malik xidmət və məhsullar çevik qaydada planlaşdırılır, tərtib olunur və sınaqdan keçərək ərsəyə gəlir
- Agile riskləri optimallaşdırır, vaxta və büdcəyə qənaət edir, qoyulmuş investisiyanın qayıtmasını sürətləndirir
- Agile üçün müştərilər hər zaman ən vacib amildir-ehtiyaclar mütəmadi olaraq araşdırılır və məsələlər vaxtında öz həllini tapır
- Agile şirkətlər müştərilərlə ideyalar, məhsul və xidmətləri müştərək şəkildə formalaşdırırlar
- Agile çevik biznes əməlyyatlarının həyata keçirilməsini və rəqəmsal vasitələrlə daha effektiv müştəri əlaqələrinin təminatçısı olduğu üçün məmnuniyyət hər zaman yüksəkdə olur
Biz kimik?
Azərbaycanın ilk rəqəmsal bankı
PAŞA Bankın himayəsi altında ölkənin ilk rəqəmsal bankının qurulmasında iştirak edin
Rəqəmsal sahənin istedadlı mütəxəssisləri üçün ən yaxşı inkişaf imkanları
Ən yaxşı yerli və beynəlxalq ekspertlərdən öyrənin
“Agile”, “design thinking” və.s kimi müasir metodlara uygun məhsulları ərsəyə gətirin
Ən müasir proqram dilləri, texnologiyalar və alətlərdən istifadə edin
Agile iş mədəniyyəti
Dəyişikliyə daim hazır, bürokratiyadan uzaq və nəticələrə yönəlik iş mədəniyyəti
Xüsusilə rəqəmsal iş mühiti üçün hazırlanmış, əsrarəngiz dəniz panoramalı ofis
